हेक वारी हेक छ्वेर नुहली पलती ली। अचानचक विच्चे कोट्ठे मां बिजली चमकली। छ्वेर डर्रा कन्नू उठती कन्न ब़ेसती रहली। विणे डेखले हेक ब़ुड्ढी जंगली लारे हवा मां उडरे भिल्ली। छ्वेर जंगली लारे गेल्ली ते ब़ुड्ढी ब़ोड़ली, तू मन्नू हेक आच्छी छ्वेर लागली। में तन्नू हेक चीज डेणा चहावे। हा बात सुणती कन्न छ्वेर खोस्स हुत्ती गेल्ली। ब़ुड्ढी ने छ्वेरी नूं हेक लाकड़ी डिल्ली ते ब़ोड़ली, हा हेक जादू आल्ली लाकड़ी छे। तू यिन्नू जिसी वी चीजे डुस डोन वार घुमावे वा चीज गोम्म हुल्ली जायी। नेरे डियो वा छ्वेर लाकड़ी नूं इस्कूल मां चल्ली गेल्ली। उट्ठे जत्ती कन्न विणे सेतानिया चालु करती डिलिया। पहले विणे हेक्की छ्वेरी ची किताब गोम्म करती नाखली। विणे कई ब़ाला चा कोपिया, पेन ते पिन्सला गोम्म करती नाखलिया कान्हूं पता वी नी लागला।
जिसे बेल्हे वा घरे पुजली ता विचिया सेतानिया हाली वी बन्द कोन्ही हुलिया। कोट्ठे चे दर मां खुरसी पलती ली विणे सोचले कां ना ये खुरसी नूं गोम्म करती नाखे। छ्वेरी ने जीवे लाकड़ी डोन वारी घुमाली ते छ्वेरी ची अय्या दर मां आती गेल्ली। खुरसी ची जगा विच्ची अय्या गोम्म हुल्ली गेल्ली। छ्वेर डरती गेल्ली ते राऊं लागती गेल्ली। इतने मां वा ब़ुड्ढी विचे सामणे आती गेल्ली। छ्वेरी ने ब़ुड्ढी नूं सारी बात बावड़ती डिल्ली। ब़ुड्ढी ने छ्वेरी नूं कहले, में दुद्धी अय्या नूं पुट्ठे गेहती आवे पर हा जादू आल्ली लाकड़ी में ता कन्नू पुट्ठी गेहती गिही। छ्वेर ब़ोड़ली, तन्नू जक्को कसा चाही छे मां कन्नू गेहती गेहे पर माय्यी अय्या नूं पुट्ठे गेहती आ। ओ बेल्हे ब़ुड्ढी ने हेक मन्तर पढला ते छ्वेरी ची अय्या पुट्ठी आती गेल्ली। छ्वेर ब़ुड्ढी नूं धन्यवाद डेणा चहावे ली पर ब़ुड्ढी बदला मां गोम्म हुल्ली गेल्ली छ्वेर आपणी अय्या नूं डेखती कन्न खोस्स हुत्ती गेल्ली ता दरोड़ती कन्न आपणी अय्या नूं गलकड़ी घाली जत्ती।
